Premio de Poesía do Concello de Vilalba
O Concello de Vilalba convoca o LI Premio de Poesía
Poderán concorrer ao certame todos os autores e autoras que o desexen, calquera que sexa a súa nacionalidade, sempre que presenten as súas obras en lingua galega, podendo presentar unicamente un traballo por persoa
Os poemas serán en lingua galega, orixinais, inéditos e non premiados noutros concursos en datas anteriores ao fallo do xurado.
O tema do traballo será libre e a súa extensión mínima será de 500 versos, que deberán estar numerados no traballo presentado.
O premio está dotado de 7.000 €
O Concello publicará a obra premiada a través dun acordo cunha editorial. Esta editorial entregará á persoa gañadora 20 exemplares da obra premiada.
O prazo para a presentación de textos estará aberto ata o 28 de maio de 2025.
Máis información no BOP de Lugo do 28 de febreiro de 2025 e en https://vilalba.sedelectronica.es/preview-document.3
Comments