A Consellería de Cultura, Lingua e Xuventude convoca un curso máis o programa Correspondentes Xuvenís coa pretensión de contar cunha antena informativa en cada centro educativo.
O equipo de Correspondentes Xuvenís será alumnado que se responsabilice de recoller a información que se lles envíe desde a Dirección Xeral de Xuventude, Espazo Xove ou OMIX do seu concello e de difundila entre o resto do alumnado do centro, contando co apoio do persoal do Servizo de Información Xuvenil e co profesorado participante no programa.
Os/as correspondentes terán as seguintes funcións:
- Difundir a información que reciban a través dos medios ao seu alcance: taboleiro informativo, redes sociais, wahtsapp, podcast...
- Manter actualizado e ordenado o taboleiro informativo do centro.
- Remitir a Xuventude información do seu centro que poida ser de interese para correspondentes doutros puntos de Galicia.
- Participar nas sesións de formación e/ou intercambio de experiencias que se porpoñan dende a Dirección Xeral de Xuventude.
Beneficios para os/as correspondentes:
- Coñeceren de primeira man os programas e convocatorias dos que son público potencial.
- Participaren nos Encontros de Correspondentes Xuvenís que se organicen ao longo do curso.
- Obteren un Certificado de experiencias: Educación non formal en materia de Xuventude.
- Recibiren asesoramento e formación sobre información xuvenil.
Beneficios para o profesorado colaborador:
- Obteren a certificación da Consellería de Educación (coa correspondente equivalencia en puntos).
- Recibiren asesoramento para a posta en marcha e mantemento do programa no seu centro educativo.
O programa Correspondentes Xuvenís pode solicitarse de dúas formas:
1. A través do Plan Proxecta da Consellería de Educación, ata o 27 de setembro de 2024.
2. Directamente coa Dirección Xeral de Xuventude, a través do Centro Coordinador de información xuvenil.
Máis información no teléfono 881 997 606 e 881 997 602 e en https://www.edu.xunta.gal/portal/node/9626
Correspondentes Xuvenís 3.0
Será alumnado que se responsabilice de recoller a información que se lles envie desde Xuventude, Espazo Xove ou OMIX do seu concello e de difundila entre o resto do alumnado do centro, contando co apoio do persoal do centro coordinador de información xuvenil e co profesorado participante no programa.
Terán as seguintes funcións:
- Difundir a información que reciban a través dos medios ao seu alcance: taboleiro informativo, redes sociais, grupos de wahtsapp...
- Manter actualizado e ordeado o taboleiro informativo do centro.
- Remitir a Xuventude información do seu centro que poida ser de interés para correspondentes doutros puntos de Galicia.
Este curso pretendemos que cada equipo de Correspondentes Xuvenís conte cunha rede social para a difusión da información. Ademais contaremos cun foro donde podrán participar todos/as os/as correspondentes e profesorado participantes, así mesmo participarán todas as Oficinas municipais de información xuvenil e Espazos xoves que colaboren no programa.
Beneficios para os/as correspondentes:
Poderán participar nos Encontros de Correspondentes Xuvenís que se organicen no albergue xuvenil de Gandarío. (A realización de encontros estará condicionada pola evolución do Covid-19).
Reconoceráselles o tempo como persoas voluntarias mediante un certificado expedido pola Dirección Xeral de Xuventude.
Poderán solicitar o Certificado de experiencias: Educación non formal en materia de Xuventude.
Beneficios para para o profesorado
O profesorado que participe a través do Plan Proxecta recibirá unha certificación da Consellería de Educación.
O programa Correspondentes Xuvenís pode solicitarse de dúas formas:
- A través do Plan Proxecta da Consellería de Educación, ata o 16 de setembro de 2021.
-Directamente coa Dirección Xeral de Xuventude, a través do Centro Coordinador de información xuvenil, ata o 30 de outubro de 2021. FORMULARIO DE SOLICITUDE
Enviar o formulario a informacion.xuventude@xunta.gal
Correspondentes Universitarios
A Consellería de Políca Social, en colaboración coas universidades de Santiago de Compostela, Vigo e A Coruña, favorece a difusión da información xuvenil entre o alumnado dos campus universitarios a través do programa Correspondentes universitarios/as.
Este programa ten por obxecto difundir os diferentes programas, accións e iniciativas que a Xunta de Galicia ofrece aos mozos e mozas galegas, así como outra información de interese, entre o alumnado das tres universidades. Serán os propios estudantes, como correspondentes universitarios, os encargados de transmitir esa información, o que favorece así a súa participación activa tanto na elaboración como na difusión da información entre iguais.
Beneficios das voluntarias e voluntarios
Ademais de recibir gratuitamente o carné xove, o carné internacional de estudante (ISIC) e o carné de alberguista durante o ano escolar no que estean inscritos no programa, aos mozos e mozas participantes recoñeceráselles o tempo dedicado como persoas voluntarias, así como a experiencia e competencias adquiridas, a través do certificado de educación non formal en materia de xuventude.
As Universidades de Santiago e a Coruña expediranlles unha certificación aos seus estudantes que acredite a participación no programa Correspondentes universitarios/as para os efectos da solicitude de créditos. No caso da Universidade de Vigo o certificado será expedido pola Dirección Xeral de Xuventude, Participación e Voluntariado e a Universidade procederá ao recoñecemento dos créditos.
+ Formulario de inscrición (Pechada a inscrición)