TalenTEA: Concurso de emprendemento universitario 2025

TalenTEA é unha iniciativa da Federación Autismo Madrid para o fomento do emprendemento xuvenil e as novas tecnoloxías orientadas á mellora da calidade de vida das persoas con Trastorno do Espectro do Autismo (TEA) e as súas familias.

TalenTEA é un concurso de emprendemento universitario onde estudantes de distintas carreiras ou máster poden presentar as súas ideas ou proxectos tecnolóxicos, como aplicacións ou sistemas informáticos, orientados a persoas autistas, as súas familias e empresas destacadas no desenvolvemento de tecnoloxía no noso país.

Os estudantes que participen poden:
-Impulsar solucións tecnolóxicas e creativas.
-Coñecer a profesionais do sector.
-Ter á súa disposición canles de difusión que actúen como escaparate das súas ideas.
-Gañar premios e/o mencións.
-Acceder á posibilidade de testear os seus proxectos con participantes das entidades federadas.

Cubre o formulario de inscrición da ligazón e envía ao correo trastea@autismomadrid.es un documento que demostre estar matriculado/a nunha universidade española durante o curso 2024-2025.
Prazo máximo: 17 de marzo.

Se o teu proxecto é aceptado como «Apto», recibirás unha notificación de Autismo Madrid.
A partir dese momento, deberás enviar un vídeo de presentación do proxecto (duración máxima de 3 minutos) a trastea@autismomadrid.es.
Prazo máximo: 18 de abril.

Os proxectos seleccionados deberán enviar ao mesmo correo un póster en tamaño A1 (59.4 x 84.1 cm).
Prazo máximo: 25 de abril.

Requisitos:
-Ser unha persoa física.
-Estar matriculado/a en algunha universidade española durante o curso 2024/2025.
-A participación pode ser individual ou en grupo.
En caso de optar pola participación grupal, debe designarse unha persoa representante interlocutora directa co equipo de organización de TrasTEA 2025.
-Todos os proxectos deben ir dirixidos á creación de solucións innovadoras que contribúan a mellorar a calidade de vida das persoas con autismo.
-Todos os proxectos deben ser dixitais, é dicir, utilizar a tecnoloxía para dar resposta a unha necesidade detectada.
-As persoas participantes deben contar cos seus propios recursos para elaborar a súa idea ou proxecto.
-Acéptanse propostas de ideas, aplicacións, sistemas tecnolóxicos innovadores e calquera solución dixital, xa sexa que estean finalizadas, en desenvolvemento ou en fase de creación.

Convoca:
Federación Autismo Madrid, a Universidade Autónoma de Madrid (UAM) e Fundación Orange

Máis información:
trastea@autismomadrid.es

Federación Autismo