Qué é?
Xuventude Mentoring é un programa integral de formación e mentoring destinado a persoas mozas tituladas e inscritas no Sistema Nacional de Garantía Xuvenil na Comunidade Autónoma de Galicia.
Trátase dun programa pioneiro promovido pola Consellería de Cultura, Lingua e Xuventude da Xunta de Galicia e o Cixug, en colaboración coas tres universidades galegas, e cofinanciado polo Fondo Social Europeo, Programa Operativo de Emprego Xuvenil.
Por que?
Porque queremos favorecer a transición á vida laboral das persoas mozas con estudos de grao, mestrado, doutoramento ou de formación profesional.
O programa está destinado á mellora das habilidades e competencias para a busca de emprego, tanto por conta propia como por conta allea, a través de accións formativas, actividades de networking e dunha rede de persoas mentoras procedentes do empresariado galego, que ofrecerán asesoramento e apoio.
Como?
A través das seguintes accións:
- Traballo con persoas mentoras: apoio para a inserción laboral por conta propia ou allea, a través dunha persoa mentora, que será un profesional con experiencia no sector económico do teu interese.
- Actividades formativas: de maneira presencial, semipresencial ou en liña, dirixidas a desenvolver habilidades e competencias clave para o teu futuro desenvolvemento profesional.
- Asistencia a eventos e visitas a empresas destinadas a mellorar a empregabilidade e establecer unha rede de contactos (networking).
- Seguimento e asesoramento continuado por parte do equipo especializado do programa.
Para quen?
As persoas destinatarias do programa deberán cumprir os seguintes requisitos:
- Ter rematados os estudos universitarios, de formación profesional ou estudos superiores nas ensinanzas de réxime especial nunha universidade ou centro de estudos galego. Para o caso de persoas emigrantes retornadas poderán ter rematado os estudos fóra de Galicia, sempre e cando os teñan correctamente homologados.
- Estar inscritas e ser beneficiarias do Sistema Nacional de Galicia (SNGX) no ámbito da comunidade autónoma de Galicia no momento de iniciar as accións do programa.
- Ter entre 18 e 30 anos.
Cando?
- As convocatorias para participar nas sucesivas edicións de Xuventude Mentoring publicaranse nesta web, xeralmente nos meses de outubro e marzo.
- Unha vez admitido/a no programa as diferentes accións desenvolveranse nun período aproximado de 3 a 4 meses.
Máis información