A COTA
Hai dous tipos de cota:
- Campos de voluntariado en Galicia e no estranxeiro: 110 € (82,50 € no caso de acollerse a algún dos descontos establecidos).
- Campos de voluntariado noutras CCAA: a cota de participación é fixada pola comunidade autónoma correspondente. Os prezos pódense consultar no cadro de oferta de prazas.
A cota aboada para participar nos campos de voluntariado inclúe:
- Os gastos de manutención, aloxamento, os derivados das actividades propias e as de lecer e un seguro de accidentes e de responsabilidade civil.
Non inclúe:
- Os gastos ocasionados polo desprazamento (ida e volta) ata o lugar da actividade que correrán a cargo da persoa voluntaria.
As persoas titulares do Carné Xove (debidamente activado), co seu carné teñen asociado un seguro de asistencia en viaxe. Consulta toda a información en en carné xove.
DESCONTOS
Os descontos aplicables (non acumulables) aos campos de voluntariado en Galicia e no estranxeiro serán:
- Carné xove: -25% na cota de participación
- Carné de familia numerosa: -25% na cota de participación
- Familia monoparental: -25% na cota de participación.
- Familia de acollida: -25% na cota de participación.
En ningún caso os descontos aplicables serán acumulables nin aplicables ás cotas dos campos en CCAA. Así, a cota de participación será de 82,50€ no caso de ser aplicable algún destes descontos.
DEVOLUCIÓN DE COTA
Nos campos de voluntariado en Galicia e no estranxeiro só se devolverá a cota de inscrición nos seguintes supostos:
a) Anulación da actividade ou non prestación do servizo por causas non imputables á persoa interesada.
b) Ingreso hospitalario ou causa médica grave que afecte á persoa interesada e lle impida incorporarse ao campo, o que deberá acreditarse con informes médicos e/ou do hospital en que estea ingresada..
c) Falecemento ou enfermidade grave dun familiar ata o 2º grao. Esta causa debe estar acreditada con informes médicos e/ou do hospital onde estea ingresado o familiar, ou co certificado de defunción, de ser o caso.
d) Abandono da actividade por calquera dos motivos recollidos na letra b), sempre e cando non transcorrera máis do 50% dos días de duración do campo.
No caso de concorrencia dalgunha destas causas, pode comunicarse a renuncia e solicitar a devolución mediante este Impreso de devolución de cota (para campos de voluntariado en Galicia e no estranxeiro).
O impreso debe remitirse ao mesmo correo electrónico de remisión da documentación:
- Para campos no estranxeiro: camposdevoluntariado.xuventude@xunta.gal
- Para campos da provincia da Coruña: camposcoruna.xuventude@xunta.gal
- Para campos da provincia de Lugo: camposlugo.xuventude@xunta.gal
- Para campos da provincia de Ourense: camposourense.xuventude@xunta.gal
- Para campos da provincia de Pontevedra: campospontevedra.xuventude@xunta.gal
No caso de campos de voluntariado noutras CCAA, a devolución da cota estará suxeita ás condicións que cada unha estableza ao respecto.
Estas condicións pódense consultar na oferta de prazas das distintas comunidades autónomas ou na ficha informativa de cada campo de voluntariado.
A solicitude de devolucion de taxa hai que remitila directamente á Comunidade Autónoma promotora do campo de voluntariado ou a camposdevoluntariado.xuventude@xunta.gal
PAGAMENTO DA COTA
Para realizar o pagamento da cota consulta o seguinte enlace.