Fundación Ibercaja convoca o V Concurso de Cómic "Universo Goya", destinado a fomentar o coñecemento entre os mozos da traxectoria e obra do xenial pintor aragonés, un dos máis relevantes da arte universal.

Cada autor ou autores poderán presentar un máximo de 2 traballos.
As obras presentadas deberán ser orixinais e inéditas.
Non poderán presentarse os autores que fosen premiados (primeiro e segundo premio) nas convocatorias anteriores deste Premio.

O tema e a técnica, ambos serán libres, aínda que o eixo central será a figura de Goya nun sentido amplo: a súa vida, a súa obra, ou miradas persoais e contemporáneas inspiradas no seu legado.

Deberán ser historias completas, auto conclusivas e realizadas entre 2 e 4 páxinas a unha soa cara, en branco e negro ou cor, formato vertical e en castelán.

As páxinas non poderán ter un tamaño superior a A3 (297x420 mm).

O primeiro paso a realizar será a inscrición ao concurso a través de dita web.
Tras ser verificado, a área de Cultura de Fundación Ibercaja poñerase en contacto coa persoa interesada a través do correo electrónico culturafundacion@fundacionibercaja.es solicitándolle o envío da seguinte información:
-Título da obra, técnica, dimensións e ano de realización.
-Documento cunha explicación do proceso creativo do/os artista/s en relación á obra presentada (20 liñas máximo).

Tamén deberá achegar a seguinte documentación:
-Escaneo ou fotografía nítida das páxinas creadas en formato JPG, de 21cm de ancho x 29,7 cm de alto e cunha resolución de 150 píxeles por polgada. Non se terán en consideración os envíos de imaxes que non cumpran estes requisitos.
-Currículo académico en formato Word ou Pdf -máximo 40 liñas- de cada participante.

O prazo de recepción das propostas nesta primeira fase finalizará ás 12 h do día 27 de xuño de 2025.

Requisitos:
Dirixido a mozos de 18 a 30 anos (cumpridos ao 31 de decembro de 2024), nados ou residentes en España.

Dotación:
Os cómics gañadores obterán, ademais de premios en metálico, a publicación e difusión da súa obra no cómic colectivo que editará Fundación Ibercaja.

Establécense dous premios que consistirán na adquisición por Fundación Ibercaja das obras gañadoras por valor de 2.000 euros, no caso do primeiro premio, e por 1.000 euros, no caso do segundo premio.

Convoca: Fundación Ibercaja

Máis información:
culturafundacion@fundacionibercaja.es