A Deputación Provincial da Coruña convoca o V Premio de Boas Prácticas en Servizos Sociais, dirixido a recoñecer proxectos e traxectorias de entidades sociais que traballan pola defensa dos dereitos da cidadanía e o benestar das persoas máis vulnerables na provincia.

Destinatarias e requisitos

Poden participar entidades sen ánimo de lucro que:

• Estean rexistradas como entidades de iniciativa social no Rexistro Único de Entidades Prestadoras de Servizos Sociais da Xunta de Galicia.

• Estean ao corrente das obrigas tributarias e coa Seguridade Social.

• Non estean incursas en prohibicións conforme á Lei 38/2003 de subvencións.

• Presenten proxectos orixinais, desenvoltos na provincia da Coruña, en galego e con linguaxe inclusiva.

• Presenten unha única candidatura: á modalidade de proxectos (nunha das 5 categorías) ou á modalidade de traxectoria.

Exclusións: proxectos sanitarios, cooperación internacional, igualdade de xénero, deporte adaptado, cultura, voluntariado, lecer ou xa premiados noutras edicións.

Premios

Establécense 6 premios, dotados con 7.000 € cada un:

• 5 premios para proxectos (categorías: investigación, ámbito rural, persoas maiores/discapacidade/dependencia, familia e infancia, inclusión social).

• 1 premio á traxectoria dunha entidade.

Presentación de solicitudes

As candidaturas deben presentarse exclusivamente por vía telemática a través da plataforma:
SUBTEL: https://sede.dacoruna.gal/Subtel/

Debe achegarse:

• Documentación xeral da entidade.

• Declaracións responsables.

• Memoria técnica segundo o modelo oficial (máx. 10 páxinas).

Non se admitirán solicitudes presentadas noutros rexistros ou con documentación incompleta.

Máis información

• Plataforma SUBTEL para presentación e consultas:
  https://sede.dacoruna.gal/Subtel/

• A resolución será publicada no BOP da Coruña