A Consellería de Educación convoca axudas destinadas ao alumnado universitario do SUG para realizar cursos de idiomas no estranxeiro durante o verán de 2026 co fin de mellorar a súa competencia lingüística.

Requisitos

• Ser alumnado dunha universidade do Sistema Universitario de Galicia (SUG).

• Estar matriculado no curso 2025/26 nun mínimo de 50 créditos en estudos de grao.

• Ter superado polo menos 60 créditos a data de 30 de setembro de 2025.

• O curso debe ser presencial, dun mínimo de 3 semanas e 45 horas lectivas, nun país onde o idioma sexa oficial.

• Non ter sido beneficiario desta axuda en convocatorias anteriores.

Prazos

• O prazo de presentación de solicitudes será de un mes, contado desde o día seguinte ao da publicación da convocatoria no Diario Oficial de Galicia (DOG).

• As actividades deberán realizarse presencialmente entre o 1 de xuño e o 31 de agosto de 2026.

Solicitudes

• A presentación será obrigatoriamente por medios electrónicos a través da sede electrónica da Xunta de Galicia (procedemento ED416A).

• Contía da axuda: 1.200 € para estadías en Europa e 1.500 € para o resto do mundo.

• O sistema de adxudicación será por concorrencia competitiva, priorizando a nota media do expediente académico.

Máis información

• Sede Electrónica da Xunta de Galicia (Procedemento ED416A)

• Correo de consultas: orientacion.sug@edu.xunta.es

• Teléfono de información: 012