De conformidade coas competencias que atribúe aos concellos a Lei 7/1985, do 2 de abril, reguladora das bases do Réxime Local, así como a Lei 13/2008, do 3 de decembro, de Servizos Sociais de Galicia, é obxecto desta convocatoria regular a concesión de axudas económicas para o pago do servizo de comedor escolar, na modalidade presencial de luns a venres e durante o período lectivo do curso escolar 2026/2027 para o alumnado empadroado no Concello da Coruña.

Poderá ser beneficiario desta convocatoria o alumnado dos centros escolares nos que se imparta segundo ciclo de educación infantil, primaria, ensino secundario obrigatorio, bacharelato e formación profesional, así como dos centros de educación especial sostidos total ou parcialmente con fondos públicos, sempre que estean localizados no termo municipal da Coruña e estean autorizados pola Consellería competente para a prestación do servizo de comedor escolar.

O prazo para presentar as solicitudes empezará o día 23 de febreiro de 2026 e finalizará 13 de marzo de 2026.

Para máis información consulta a seguinte ligazón: https://bop.dacoruna.gal/bopportal/publicado/2026/02/20/2026_0000000939.html