A Fundación Pública Galega de Feiras e Exposicións de Ourense (Expourense) publicou unha oferta pública para a contratación de profesorado destinada a impartir accións formativas do Plan formativo para o emprego da Comunidade Autónoma de Galicia dirixido a persoas traballadoras desempregadas.

Esta convocatoria corresponde aos exercicios 2026 e 2027.

Accións formativas

As persoas seleccionadas impartirán formación nas seguintes especialidades:

• Actividades auxiliares de almacén – 288 horas.

• Actividades auxiliares de comercio – 348 horas.

• Actividades de venda – 668 horas.

• Atención ao cliente, consumidor ou usuario – 478 horas.

• Implantación e animación de espazos comerciais – 408 horas.

• Actividades de xestión do pequeno comercio – 548 horas.

Bases da convocatoria

• O texto completo das bases pode consultarse nas oficinas da Fundación Feiras e Exposicións de Ourense (Expourense), situadas na Finca Sevilla, s/n, 32005 Ourense.

Presentación de solicitudes

• As persoas interesadas deberán presentar a súa solicitude no prazo de 3 días naturais, contados desde o día seguinte ao da publicación do anuncio no Boletín Oficial da Provincia de Ourense (BOP).

• O horario de presentación será de 9:00 a 14:00 horas.

• No caso de que o último día do prazo sexa festivo ou non lectivo, poderá presentarse a solicitude no seguinte día hábil.