É obxecto da presente convocatoria a creación dunha bolsa de emprego complementaria para proceder á provisión temporal de prazas mediante o nomeamento de funcionarios interinos da Grupo A, Subgrupo A2, Escala Administración Especial, Subescala Técnica, denominación Arquitecto Técnico, polos motivos sinalados no artigo 10. 1 b) c) e d) do Real Decreto Lexislativo 5/2015, de 30 de outubro, polo que se aproba o Texto Refundido do Estatuto Básico do Empregado Público e artigo 23.2 b) c) e d) da lei 2/2015 do Emprego Público de Galicia, é dicir, para a substitución temporal dos titulares ou eventualmente dos seus substitutos, en tanto en canto non se reincorporen á súa praza, a execución de programas de carácter temporal e o exceso ou acumulación de tarefas por un prazo máximo de nove meses, dentro dun período de dezaoito meses.

As condicións para inscribirse poden consultarse nas bases en detalle no enlace inferior.

O prazo para a presentación de instancias, no rexistro xeral do concello ( Atalaia, 7. CP 15970. Porto do Son), ou de xeito telemático na Sede Electrónica do Concello de Porto do Son (https://portodoson.sedeectronica.gal)ou por calquera dos procedementos que prevé o artigo 16 da Lei 39/2015, de 1 de outubro de 2015, do Procedemento Administrativo Común das Administracións Públicas, será de DEZ (10) DÍAS NATURAIS contados desde o seguinte ao de publicación do anuncio da convocatoria no Boletín Oficial da Provincia.

Máis información aquí: https://bop.dacoruna.gal/bopportal/publicado/2026/04/15/2026_0000002242.html