A Fundación Botín convoca 6 Bolsas de Arte destinadas a formación, investigación e realización de proxectos persoais no ámbito da creación artística (non traballos teóricos) para artistas de calquera nacionalidade e idade. Delas, 1 bolsa reservarase con prioridade a españois ou residentes (como mínimo cinco anos inmediatamente anteriores á solicitude da bolsa) menores de 30 anos para trasladarse ao estranxeiro con obxecto de continuar o seu traballo, estudo ou estancias en residencia.

As axudas serán directas, indivisibles e intransferibles. Non poderán utilizarse para outro fin que a realización do proxecto descrito na solicitude. O goce desta axuda é incompatible con calquera outra axuda institucional para o mesmo concepto.

DURACIÓN.
O tempo de goce desta bolsa será de 9 meses.

DOTACIÓN. O importe de cada unha das bolsas é de 23 000 euros.

Este importe comprende os conceptos de viaxes, aloxamento, manutención, alugueiro de equipos e estudo, e calquera outro custo de produción relacionado co proxecto.
Esta cantidade incrementarase co seguro médico (só se existe cambio de país de residencia).

CONDICIÓNS.
A axuda gozarase a partir da súa concesión, polo período pactado e sen interrupción. É imprescindible o seu inicio antes de finalizar 2025.
 

PRAZO.
O prazo para cumprimentar o formulario de solicitude na web e recibir a documentación na Fundación Botín finaliza o venres 9 de maio de 2025.

Máis información:

Fundación Botín
De 9:00 a 14:00 horas
Pedrueca 1, 39003 Santander (España)
Teléfono +34 942 226 072
Email: becas@fundacionbotin.org