A agrupación dos concellos de Láncara, Triacastela e O Corgo convoca o proceso selectivo para a contratación temporal de 1 técnico/a de orientación laboral, ao abeiro do programa subvencionado pola Xunta de Galicia para a realización de actividades de orientación laboral durante o exercicio 2026.

Praza e xornada

• Posto: Técnico/a de orientación laboral.
• Número de prazas: 1.
• Carácter: Temporal e non estrutural.
• Xornada: Completa e presencial.
• Xornada semanal: 35 horas de traballo efectivo de promedio en cómputo anual, equivalentes a 1.533 horas anuais.
• Modalidade: Nomeamento de funcionario/a interino/a.

A duración do posto estará vinculada á do programa financiado e non poderá exceder a súa duración.

Funcións

Entre as funcións do posto figuran:

• Realizar o diagnóstico individualizado e elaborar o perfil ocupacional das persoas demandantes de emprego.
• Deseñar itinerarios personalizados para o emprego.
• Realizar o acompañamento durante o desenvolvemento dos itinerarios.
• Deseñar e executar accións grupais de orientación laboral.
• Asesorar na elaboración de currículos e na procura activa de emprego.
• Informar sobre o mercado laboral, políticas activas de emprego, formación, mobilidade e emprendemento.
• Apoiar a xestión da mobilidade laboral.
• Coordinarse coa Rede de técnicos de emprego de Galicia e con outros profesionais da orientación laboral.

Requisitos

Entre os requisitos establecidos nas bases figuran:

• Ter cumpridos 16 anos e non superar a idade máxima de xubilación forzosa.
• Posuír a capacidade funcional necesaria para o desempeño das funcións.
• Non estar inhabilitado/a para o exercicio de funcións públicas nin ter sido separado/a mediante expediente disciplinario nos termos establecidos.
• Non estar incurso/a en causas de incompatibilidade.
• Estar en posesión dunha titulación universitaria: licenciatura, enxeñaría, arquitectura, grao, enxeñaría técnica, diplomatura ou arquitectura técnica.
• Acreditar o coñecemento da lingua galega mediante o Celga 4 ou equivalente, ou superar a correspondente proba obrigatoria e eliminatoria.
• Posuír a puntuación mínima establecida na normativa da convocatoria da subvención.

Presentación de solicitudes

As solicitudes deberán presentarse exclusivamente por medios electrónicos, a través da sede electrónica do Concello do Corgo.

O prazo será de 10 días naturais, contados desde o día seguinte á publicación do anuncio da convocatoria no Boletín Oficial da Provincia de Lugo.

As persoas aspirantes deberán achegar, entre outra documentación, o DNI, a titulación esixida, a relación e acreditación dos méritos, a acreditación do galego e o currículo para a súa valoración polo Servizo de Orientación Laboral da Dirección Xeral de Formación e Cualificación para o Emprego.

https://deputacionlugo.gal/sites/deputacionlugo.org/files/inline-files/…