FORMACIÓN EN INTELIXENCIA ARTIFICIAL

A Dirección Xeral de Xuventude convoca dúas edicións de formación en intelixencia artificial con fundamentos non técnicos para comprender os modelos de linguaxe, recoñecer o seu alcance e familiarizarse co vocabulario da IA xenerativa.

Esta formación divídese en dous cursos con dúas edicións cada un:

 - Curso introdutorio (unha sesión de 4 horas): comprender os modelos, o seu vocabulario e o seu uso con criterio.

 - Curso de uso produtivo con axentes (3 sesións de 3 horas): comprender a base e dirixir axentes en tarefas e proxectos.

📘 Curso de introdución á intelixencia artificial (2 edicións)

Ofrece as nocións básicas para comprender o alcance e os límites da IA, alén de introducir os conceptos chave do sector.

• Prazas: 30 por edición

• Datas de celebración: 06.11.2026 (1a edición), 13.11.2026 (2a edición)

• Duración: 4 horas (sesión única)

• Requisitos: manexo básico do navegador e acceso a unha plataforma de IA (non é necesaria licenza) que se recomendará durante o curso

PROGRAMA

1. Fundamentos: funcionamento dos modelos de linguaxe: adestramento, xeración de respostas e relación entre capacidades e limitacións.

2. Vocabulario: modelo, token, contexto, prompt, asistente, axente e ferramenta. Conceptos para comprender as novidades e seguir a evolución da IA.

3. Demostracións: exemplos de busca e contraste, procesamento de documentos, imaxes, aprendizaxe e xestión de tarefas.

4. Traballo coa IA: como aportar contexto, definir obxectivos, dialogar e iterar. Revisión crítica de erros e introdución á diferenza entre asistente e axente.

5. Actividade guiada: tarefa común dirixida paso a paso polo docente, con revisión xeral dos resultados do grupo (esta actividade non inclúe seguimento nin corrección individual dos traballos dos 30 participantes).

6. Peche: privacidade, revisión de resultados e criterios para avaliar novas capacidades e ferramentas.

CALENDARIO

📙 Curso 2: Uso de uso produtivo da intelixencia artificial con axentes

Parte dunha introdución non técnica aos modelos de linguaxe, as súas posibilidades, límites e vocabulario básico. A partir desa base, céntrase en traballar con axentes de IA para desenvolver un proxecto: definir obxectivos, delegar tarefas, supervisar accións e comprobar resultados.

• Prazas: 15 por edición

• Datas de celebración:

  • 17.11.2026, 18.11.2026 e 19.11.2026 (1ª edición)

  • 24.11.2026, 25.11.2026, 26.11.2026 (2ª edición)

• Duración: 9 horas (3 sesións de 3 horas cada unha)

• Requisitos: instalación dun software coa guía do docente (distribuirase saldo para o consumo de tokens)

PROGRAMA

🧠 Sesión 1: Comprender os modelos de linguaxe e os axentes

Funcionamento básico dos modelos de linguaxe, adestramento, e xeración de respostas, tokens, contexto, límites e privacidade.

Explicarase a relación entre o modelo, o asistente e o axente, así como a forma en que o uso de ferramentas permite executar tarefas.

📋 Sesión 2: Dirixir o traballo dun axente nun proxecto

Desenvolverase un caso práctico que implique un axente de IA. Definiranse o obxectivo, a información inicial, as instrucións, as tarefas delegadas e os criterios para comprobar o resultado.

Practicarase como organizar o traballo en pasos, achegar contexto, supervisar o uso de ferramentas e solicitar cambios. Distinguirase entre as decisións do participante e as accións do axente, ao tempo que se revisan os resultados parciais e se corrixen erros.

️ Sesión 3: Incorporación de ferramentas e habilidades

Introduciranse as habilidades ou skills como procedementos reutilizables para orientar o axente en tarefas recorrentes. Definiranse instrucións, condicións de aplicación e criterios de revisión baseados no proxecto realizado.

Estas habilidades aplicaranse para ampliar o proxecto e adaptar os seus resultados.Practicarase cómo comprobar o seu funcionamento, corrixir erros e mellorar as instrucións, mantendo a supervisión das accións do axente.

Presentaranse as ferramentas, habilidades (skills), conectores MCP e os plugins, aclarando as súa función dentro da contorna de traballo do axente. Explorarase cómo incorporar capacidades ou fontes de información en función das necesidades do proxecto e dos recursos dispoñibles.

CALENDARIO

Máis información en desafiosjovens.xuventude@xunta.gal

Este curso convocase pola Dirección Xeral de Xuventude no marco do proxecto transfronteirizo de cooperación entre Galicia e o norte de Portugal Desafios Jovens, un programa europeo Interreg POCTEP que nace co obxectivo de promover a inserción laboral dende a inclusividade e a perspectiva de xénero, priorizando persoas mozas e mulleres do rural e dinamizando o mercado laboral transfronteirizo.

Este proxecto conta coa colaboración da Cámara de Comercio de Santiago de Compostela, da Federação Nacional das Associações Juvenis (FNAJ), do Instituto Português do Desporto e Juventude (IPDJ) e do Instituto de Emprego e Formação Profissional.