XUVENTUDE EN ACCION - gl | Dirección Xeral de Xuventude

Qué é Xuventude en Acción?

É un programa da Dirección Xeral de Xuventude que consiste nunha liña de axudas pensada para que vós, os mozos e mozas, poidades desenvolver ideas que, transformadas en proxectos e iniciativas de interese, poidan reverter na mocidade actual e na nosa sociedade.

Poderedes participar de dous xeitos: a través de grupos informais de mozos/as ou ben dende as asociacións xuvenís e entidades legalmente constituídas.

As actividades serán planificadas e desenvolvidas por vós mesmos/as, fomentando sempre a participación, a axeitada utilización do lecer, a calidade de vida e o benestar, a través dos proxectos integrais e específicos nas áreas de actuación establecidas.

Premendo aquí podedes ver un video elaborado con proxectos realizados grazas a Xuventude en Acción

Quen pode solicitar estas axudas?

- Os grupos informais de mozos e mozas que queirades desenvolver un proxecto de iniciativa xuvenil e que reunades os requisitos indicados na orde da convocatoria. O grupo terá que estar formado por un mínimo de 5 e un máximo de 8 mozas ou mozos con idades comprendidas entre os 18 e os 30 anos no momento de presentar a solicitude e ademais deberedes de estar empadroados nalgún dos municipios pertencentes á Comunidade Autónoma de Galicia.

- As asociacións xuvenís e as entidades que lle prestadoras de servizos á xuventude e as súas respectivas federacións, sempre que, no caso destas últimas, o proxecto que presenten sexa diferente do que presenten, no seu caso, as asociacións xuvenís ou entidades prestadoras que formen parte da federación. Será necesario que esteades inscritas no censo oficial da dirección xeral.

Como se poden solicitar?

- Cubrir e entregar a solicitude e engadir a documentación necesaria que se indica na orde (artigos 9 e 10).

- As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia

- As notificacións de resolucións e actos administrativos practicaranse só por medios electrónicos.

- A non presentación do proxecto xunto coa solicitude, en prazo constituirá un defecto non subsanable e comportará a inadmisión a trámite da solicitude.