O Concello de San Sadurniño abre o prazo de solicitude das bolsas escolares para o curso 2025-2026, destinadas a apoiar ás familias nos gastos de educación infantil, estudos obrigatorios e posobrigatorios.

Orzamento e contías

O programa conta cun crédito total de 25.000 €.

Destínanse 1.500 € ao 2º ciclo de Educación Infantil, cunha axuda máxima de 100 € por persoa.
Para os estudos obrigatorios reservaranse 10.750 €, cun máximo de 200 € por persoa.
Os estudos posobrigatorios contarán cun total de 12.350 €, podendo concederse ata 800 € por beneficiario/a.
Ademais, haberá 400 € para casos excepcionais que non cumpran algún requisito documental pero si os materiais, logo de valoración por parte dos servizos sociais.

Prazo de solicitude

• Inicio: día seguinte á publicación no Boletín Oficial da Provincia da Coruña.

• Fin: 30 de setembro de 2025.

Como presentar a solicitude

• Presencialmente: no Rexistro Xeral do Concello de San Sadurniño.

• Por outras vías: calquera das establecidas no artigo 16 da Lei 39/2015, do 1 de outubro, do procedemento administrativo común.

Máis información

Consulta o texto completo da convocatoria na Base de Datos Nacional de Subvencións.