O Concello de Carballo publicou a convocatoria e as bases xerais e específicas do proceso selectivo para cubrir catro (4) prazas de persoal laboral fixo-descontinuo, en quenda libre, para o posto de Coordinador/a de Socorristas de praia (Grupo profesional IV), incluídas na Oferta de Emprego Público Ordinaria 2024.

A convocatoria foi aprobada mediante Resolución da Alcaldía nº 3296/2025 do 07/11/2025. O proceso rexerase polo sistema de concurso–oposición e permitirá, ademais, crear unha listaxe de substitucións para futuras contratacións temporais.

Requisitos principais

As persoas aspirantes deberán cumprir, entre outros, os seguintes requisitos:

• Titulación de ESO ou equivalente.

• Inscrición no Rexistro Profesional de socorristas en espazos acuáticos naturais de Galicia, ou solicitude presentada dentro do prazo.

• Acreditación do nivel CELGA 3 ou equivalente (ou realización dunha proba específica).

• Presentación dun certificado médico o día das probas físicas.

Presentación de solicitudes

O prazo para presentar solicitudes é de 20 días hábiles a partir do día seguinte á publicación do anuncio da convocatoria no BOE.

As solicitudes deberán presentarse preferentemente por vía electrónica a través da sede do Concello de Carballo (www.sede.carballo.gal), acompañadas da documentación requirida e do xustificante de pago da taxa de dereitos de exame.

Publicación e desenvolvemento do proceso

• As bases completas publicaranse no Boletín Oficial da Provincia da Coruña e no taboleiro da sede electrónica do Concello.

• O anuncio da convocatoria publicarase tamén no DOG e no BOE.

• O sistema selectivo incluirá unha fase de concurso e outra de oposición (probas físicas e outras establecidas nas bases).

Para máis información, recomendámosche consultar a convocatoria completa no BOP e na sede electrónica municipal.