A Asociación Cultural Gazafellos do Val convoca unha nova edición do certame musical Nova Nícra 2025-2026, dirixido a bandas e solistas novos co obxectivo de promover a creación musical en lingua galega.

Persoas destinatarias

• Bandas ou solistas de ata 22 anos, cumpridos na data de peche da inscrición.

• Admítense bandas con algún integrante maior desa idade, sempre que non sexa a voz principal.

Características das cancións

• Unha soa canción por participante.

• A obra deberá estar escrita en galego.

• Composición propia ou musicalización dun poema galego.

• Canción inédita e non premiada previamente noutro certame.

• Quedarán excluídas as cancións con contidos xenófobos ou discriminatorios.

Proceso de selección

• Na primeira fase, as persoas participantes deberán enviar:

  • Ficha de inscrición cuberta.

  • Copia do DNI de todas as persoas integrantes.

  • Maqueta en audio ou vídeo da canción.

• A documentación deberá remitirse antes do 20 de marzo de 2026 ao correo electrónico: gazafellosdoval@gmail.com.

• As persoas menores de idade deberán achegar autorización asinada polo seu titor ou titora.

• O xurado seleccionará un máximo de cinco bandas ou solistas para a final.

Final en directo

• Celebrarase o 11 de abril en Negreira.

• As formacións finalistas interpretarán a canción ao vivo.

• Poderán empregarse ritmos pregravados e loopers, sempre que a voz principal sexa en directo.

• A organización facilitará o equipo de son e persoal técnico.

Premios

• 1º Premio: gravación dun tema nun estudo profesional + gravación dun videoclip en Negreira.

• 2º Premio: gravación dun tema nun estudo profesional.

• 3º Premio: 150 euros en metálico.