A Deputación Provincial de Lugo aprobou na sesión ordinaria da súa Xunta de Goberno do 20 de febreiro de 2026 a convocatoria e as bases específicas para o ingreso como persoal funcionario/a de carreira en tres (3) prazas de auxiliar de sala, incluídas nas Ofertas de Emprego Público (OEP) dos anos 2023 e 2024.

O acordo foi publicado no Boletín Oficial da Provincia (BOP Lugo nº 46, do 26 de febreiro de 2026) e contempla:

• 1 praza pola cota xeral (OEP 2023)

• 2 prazas pola cota de reserva para persoas con discapacidade (OEP 2023 e 2024)

As prazas están encadradas na escala de Administración Especial, subescala de Servizos Especiais, clase Cometidos Especiais, grupo C, subgrupo C2, e proveeranse polo sistema de concurso-oposición libre.

Requisitos de participación

As persoas aspirantes deberán cumprir os requisitos establecidos na normativa vixente e contar con:

• Titulación de Graduado/a en ESO, Graduado Escolar, FP I ou equivalente.

• Acreditación do CELGA 4.

No caso das prazas reservadas, será preciso ter recoñecido un grao de discapacidade igual ou superior ao 33%, conforme á lexislación estatal.

Sistema selectivo

O proceso desenvolverase en dúas fases:

🔹 Fase de oposición (máximo 50 puntos)

Constará de catro exercicios obrigatorios e eliminatorios:

1. Proba sobre materias comúns (tema escrito ou test).

2. Desenvolvemento dun tema de materias específicas.

3. Suposto práctico relacionado coas funcións do posto.

4. Proba de galego (exentos/as quen acrediten o CELGA 4).

🔹 Fase de concurso (máximo 30 puntos)

Valorarase:

• Experiencia profesional (ata 16 puntos).

• Formación académica e complementaria (ata 14 puntos).

• Coñecementos superiores de galego e outros idiomas oficiais.

Funcións do posto

As persoas seleccionadas desenvolverán tarefas de vixilancia, atención ao público, mediación cultural e apoio ás actividades didácticas nos centros da Rede Museística Provincial, integrada polo:

• Rede Museística Provincial de Lugo

• Museo Provincial de Lugo

• Museo Pazo de Tor

• Museo Provincial do Mar

• Museo Fortaleza San Paio de Narla

O programa inclúe contidos sobre museoloxía, conservación preventiva, atención á cidadanía, accesibilidade, mediación cultural e coñecemento das coleccións e edificios históricos.

Presentación de solicitudes

A convocatoria publicarase integramente no BOP e remitirase extracto ao Diario Oficial de Galicia (DOG) e ao Boletín Oficial del Estado (BOE).

O prazo de presentación de solicitudes iniciarase a partir do día seguinte á publicación no BOE.

Contra o acordo poderá interpoñerse recurso potestativo de reposición ou recurso contencioso-administrativo nos prazos legalmente establecidos.