O Concello de Ribadeo abriu o prazo de participación no II Certame de Fotografía pola Igualdade, unha iniciativa que busca promover a creatividade e a reflexión arredor da igualdade a través da fotografía.

A convocatoria foi aprobada por resolución da Alcaldía o 26 de febreiro de 2026 e está publicada na Base de Datos Nacional de Subvencións (BDNS 890104).

O certame conta cunha dotación económica máxima de 850 euros, con cargo á partida orzamentaria municipal 2026.231.48100 “Servizos Sociais. Premios e Bolsas”.

Poderán participar persoas residentes en Ribadeo, así como centros educativos de ESO e Formación Profesional da localidade.

O prazo de presentación de solicitudes comeza ao día seguinte da publicación do extracto da convocatoria no BOP de Lugo e/ou no DOG.

As persoas interesadas deberán presentar a documentación indicada nas bases reguladoras, que inclúen modelos específicos para a solicitude.

As bases completas e os formularios poden consultarse na páxina web municipal www.ribadeo.gal e nas dependencias do Concello.