O Concello de Xunqueira de Ambía publicou a convocatoria e as bases específicas para a contratación de persoal de mantemento da piscina municipal de cara á tempada de verán.

Características da convocatoria

• Posto: persoal de mantemento da piscina municipal.
• Modalidade de contratación: laboral temporal por obra ou servizo determinado.
• Duración do contrato: 3 meses.
• Sistema de selección: oposición-concurso de méritos.

Presentación de solicitudes

O prazo de presentación de instancias será de 2 días hábiles contados desde o día seguinte á publicación do anuncio no BOP.

As solicitudes poderán presentarse:

• No Rexistro Xeral do Concello.
• A través da sede electrónica municipal.

O horario de atención será de 9:00 a 14:00 horas.

As persoas interesadas tamén poderán consultar as bases completas no Concello no mesmo horario.