O Concello de Begonte vén de convocar o proceso selectivo para a contratación temporal do persoal que integrará a Brigada Municipal de Prevención e Extinción de Incendios Forestais durante a campaña de 2026. A convocatoria foi publicada no Boletín Oficial da Provincia de Lugo do 6 de xuño.

Postos convocados

• 1 xefe/a de brigada.
• 3 peóns/ás de brigada.
• 1 peón/condutor.

Sistema de selección

• Contratación como persoal laboral temporal.
• Procedemento de concurso-oposición.

Prazo de presentación de solicitudes
As persoas interesadas dispoñen de 10 días naturais contados desde a publicación do anuncio no BOP para presentar as súas solicitudes.

Onde consultar as bases
As bases completas da convocatoria poden consultarse:

• Na páxina web do Concello de Begonte.
• No taboleiro de anuncios da sede electrónica municipal.
• Nas oficinas municipais.

Esta iniciativa permitirá reforzar os dispositivos locais de prevención e defensa contra os incendios forestais durante os meses de maior risco, contribuíndo á protección do territorio e da poboación do municipio.