As Bolsas Leonardo da Fundación BBVA están destinadas a apoiar o traballo de investigadores e creadores que, atopándose en estadios intermedios da súa carreira, acrediten unha traxectoria sólida e que desexen levar a cabo, coa maior flexibilidade, un proxecto innovador que poida representar un avance significativo no campo de que se trate e, ao tempo, contribúa ao desenvolvemento profesional dos solicitantes.

A presente convocatoria está circunscrita ás seguintes áreas: Física, Química, Enxeñerías.

Os solicitantes serán persoas físicas, investigadores de nacionalidade española con residencia en España, ou nacionais doutros países con residencia en España.

O solicitante deberá ter unha idade comprendida entre os 30 e 45 anos (ambos inclusive) no momento da solicitude.

Concederanse polo menos 20 bolsas, dotadas cada unha delas cun importe bruto máximo de 50.000 euros, de acordo coa seguinte distribución por áreas:

Física e Química: 10 bolsas
Enxeñerías: 10 bolsas

Prazo de presentación de solicitudes: desde o 18 de decembro de 2024 ao 31 de xaneiro de 2025, ás 14:00 h, hora peninsular. A solicitude deberá ser finalizada non máis tarde do día e hora acabados de sinalar.

Máis información: Red Leonardo