A mocidade e o estudantado empadroados no Concello de Bergondo xa poden solicitar as axudas económicas destinadas a contribuír aos gastos de desprazamento aos centros públicos de ensino durante o curso 2026/2027.

Quen pode solicitalas?

• Estudantes empadroados no Concello de Bergondo durante todo o curso 2026/2027.
• Alumnado matriculado en centros públicos que curse:
  • Educación Infantil (0-5 anos).
  • Bacharelato.
  • Formación Profesional.
  • Ensinanzas de réxime especial.
  • Estudos universitarios.
  • Programas internacionais oficiais.
  • Outros estudos oficiais homologados.
• O domicilio deberá estar situado a máis de 1 quilómetro do centro educativo.

Quen queda excluído?

• Estudantes de Educación Primaria e ESO.
• Persoas matriculadas en centros privados ou concertados.
• Quen curse estudos cunha duración inferior a seis meses.
• Persoas que xa conten cunha axuda que cubra integramente os gastos de transporte.

Contía das axudas
A convocatoria conta cun orzamento total de 15.000 euros.

As achegas máximas establécense segundo a distancia entre o domicilio e o centro de estudos:

• Ata 40 € para desprazamentos de 1 a 3 km.
• Ata 60 € entre 4 e 15 km.
• Ata 80 € entre 16 e 40 km.
• Ata 120 € entre 41 e 80 km.
• Ata 150 € entre 81 e 170 km.
• Ata 200 € para estudos noutras comunidades autónomas.
• Ata 600 € para programas internacionais oficiais de duración mínima de seis meses.

As contías poderán reducirse en función do número de solicitudes presentadas.

Prazo de solicitude
O prazo permanecerá aberto ata o 9 de outubro de 2026.

https://bop.dacoruna.gal/bopportal/publicado/2026/08/05/2026_0000005096…