O Concello da Coruña publicou a convocatoria do proceso selectivo para cubrir dúas prazas de técnico/a superior de delineación (grupo B) como persoal funcionario de carreira mediante o sistema de oposición.

Prazas convocadas

• 2 prazas de técnico/a superior de delineación (grupo B).
• Acceso por quenda libre.
• Incluídas na Oferta de Emprego Público de 2026.

Requisitos
As persoas aspirantes deberán estar en posesión dalgunha das seguintes titulacións ou equivalente:

• Técnico/a Superior en Proxectos de Edificación.
• Técnico/a Superior en Proxectos de Obra Civil.
• Técnico/a Superior en Deseño e Fabricación Mecánica.
• Técnico/a Superior en Deseño e Edición de Publicacións Impresas e Multimedia.
• Ou outra titulación equivalente que habilite para exercer a profesión de delineante.

Sistema selectivo
O proceso desenvolverase mediante oposición e constará de tres exercicios obrigatorios e eliminatorios:

• Primeiro exercicio: cuestionario tipo test de 90 preguntas sobre o temario.
• Segundo exercicio: resolución dun suposto práctico elixido entre dous propostos polo tribunal.
• Terceiro exercicio: proba de coñecemento da lingua galega para quen non acredite o Celga 4 ou equivalente.

As persoas que superen algún exercicio sen obter praza integrarán unha listaxe de agarda para futuros nomeamentos como persoal funcionario interino.

Solicitudes
As solicitudes deberán presentarse exclusivamente por vía electrónica a través da sede electrónica do Concello da Coruña, mediante o procedemento "Participación en probas selectivas".

Taxa
A taxa de inscrición é de 14,94 euros, con exención para persoas cun grao de discapacidade igual ou superior ao 33 % e para demandantes de emprego que cumpran os requisitos establecidos na convocatoria.

Prazo de presentación
O prazo será de 20 días hábiles, contados desde o día seguinte á publicación do extracto da convocatoria no Boletín Oficial do Estado (BOE).

https://bop.dacoruna.gal/bopportal/publicado/2026/08/05/2026_0000004946…