Laza convoca unha praza de auxiliar administrativo/a como funcionario/a de carreira
O Concello de Laza convoca un proceso selectivo para cubrir, como funcionario/a de carreira, unha praza da escala de Administración xeral, subescala auxiliar, grupo C, subgrupo C2, incluída na Oferta de Emprego Público do Concello correspondente ao ano 2026.
Sistema de selección: oposición libre.
Praza: auxiliar administrativo/a.
Grupo: C2.
Acceso: libre.
Titulación mínima: ESO ou equivalente.
Coñecemento de galego: CELGA 3.
Taxa de inscrición: 30 euros.
Prazo de presentación: 20 días hábiles, contados desde o día seguinte ao da publicación do anuncio da convocatoria no Boletín Oficial do Estado (BOE).
As solicitudes deberán presentarse preferentemente a través do Rexistro Xeral Electrónico do Concello de Laza ou nas oficinas de asistencia en materia de rexistros, situadas na rúa O Castiñeiro, nº 4, Laza, en horario de 09:00 a 14:00 horas, en días hábiles. Tamén poderán presentarse polos medios previstos na Lei 39/2015.
Documentación principal:
- Solicitude e declaración xurada segundo o modelo establecido.
- Copia do DNI ou documento acreditativo da nacionalidade.
- Copia da titulación esixida.
- Acreditación do CELGA 3, no caso de solicitar a exención da proba de galego.
- Documentación correspondente, se se solicitan adaptacións de tempo ou medios por razón de discapacidade.
Proceso selectivo:
A fase de oposición consta de tres exercicios obrigatorios e eliminatorios:
- Proba tipo test: 40 preguntas, con catro respostas posibles, sobre o temario establecido nas bases. Duración: 60 minutos.
- Proba teórica escrita: cinco preguntas, cun tempo máximo de 1 hora e 45 minutos.
- Proba práctica: dous supostos prácticos relacionados coas funcións da praza, cun tempo máximo de 1 hora e 30 minutos.
Cada exercicio terá unha puntuación máxima de 6 puntos e será necesario obter polo menos 3 puntos para superalo.
A convocatoria e as bases serán publicadas no BOP de Ourense. O anuncio da convocatoria publicarase posteriormente no BOE, momento a partir do cal comezará o prazo de 20 días hábiles para presentar as solicitudes.
Comments