RTVE convoca o XVII Premio de Poesía Nova RNE-Fundación Montemadrid.

Poderán participar os escritores/as de nacionalidade española ou hispanoamericana que non teñan máis de 30 anos, cunha ou máis obras orixinais e inéditas en castelán, que non fosen premiadas anteriormente noutros concursos. 

As obras, de tema libre, deberán contar cun mínimo de 500 versos. Presentaranse obrigatoriamente en formato escrito e dixital:

- En formato escrito en papel, grampadas ou encadernadas debidamente, por duplicado, en DIN-A4, escritas a dobre espazo e por unha soa cara. Na portada deberá constar o nome da obra e o pseudónimo.
Enviaranse nun sobre pechado á dirección: Programa "La estación azul". Radio Nacional de España. Avda. da Radio e Televisión 4. Prado del Rey. 28223 Pozuelo de Alarcón (Madrid).

Neste sobre deberá figurar claramente que opta ao Premio de Poesía Nova RNE-Fundación Montemadrid. No exterior deste sobre deberá constar o nome da obra e o pseudónimo.
No interior do mesmo sobre deberá ir outro sobre pechado coa plica, que é un sobre pechado, en cuxo exterior debe consignarse o nome da obra e o pseudónimo e no interior deben constar os datos persoais do autor: nome e apelidos, dirección e teléfono de contacto, fotocopia do DNI e unha breve nota biobibliográfica.

- En formato dixital (pdf), co título da obra e o pseudónimo, e sen ningún tipo de dato persoal, á seguinte dirección: concursopoesia.rnemontemadrid@rtve.es

Premios
A obra premiada será editada e distribuída pola editorial Pre-Textos.
A persoa gañadora terá dereito a recibir 25 exemplares da súa obra.
A persoa gañadora percibirá un premio en metálico de 5.000 euros.

Máis información