O Concello de Cambre abre o prazo para participar no proceso selectivo para a elaboración dunha relación de candidatos/as para nomeamentos como enxeñeiros/as técnicos/as industriais interinos/as (subgrupo A2).

Sistema de selección: concurso de méritos.

Requisitos principais:

• Nacionalidade española ou dalgún Estado da UE (ou condicións equiparadas).

• Ter 16 anos cumpridos e non exceder a idade máxima de xubilación.

• Título universitario de Enxeñeiro/a Técnico/a Industrial ou Grao en Enxeñaría da rama industrial (ou estar en condicións de obtelo).

• Capacidade funcional para o desempeño do posto.

• Non estar inhabilitado/a ou separado/a do servizo en Administracións Públicas.

Méritos valorables:

• Experiencia profesional no posto (ata 10 puntos).

• Formación relacionada co posto (ata 3 puntos).

• Coñecemento de lingua galega (ata 1 punto, proba obrigatoria se non se acredita Celga 4 ou equivalente).

• Probas selectivas superadas en procesos similares nos últimos dous anos (ata 1 punto).

Dereitos de inscrición: 40 €, con bonificación do 50% para persoas demandantes de emprego inscritas, como mínimo, 6 meses antes da convocatoria.

Prazo de inscrición: 7 días hábiles contados desde o seguinte ao da publicación no BOP da Coruña (13/08/2025).

Presentación de solicitudes: exclusivamente a través do Rexistro Electrónico Xeral do Concello de Cambre ou nas formas previstas no artigo 16.4 da Lei 39/2015.

Máis información e bases completas: www.cambre.es