O Concello de Betanzos vén de publicar as bases do proceso selectivo para a cobertura definitiva dunha praza de técnico/a de igualdade (grupo A2), incluída na Oferta de Emprego Público de 2024.

A selección realizarase mediante o sistema de concurso-oposición libre, garantindo os principios de igualdade, mérito, capacidade e publicidade.

Requisitos principais

As persoas aspirantes deberán cumprir, entre outros, os seguintes requisitos:

• Ter nacionalidade española ou dalgún Estado membro da UE.

• Posuír título universitario de grao ou equivalente no ámbito social.

• Contar cun mínimo de 2.000 horas de formación acreditada en materia de igualdade e violencia de xénero.

• Dispoñer do carné de conducir tipo B.

• Acreditar capacidade funcional para o desempeño das tarefas.

Proceso selectivo

O proceso desenvolverase en dúas fases:

1. Concurso de méritos (ata 40 puntos), no que se valorará a formación académica e a experiencia profesional.

2. Oposición (ata 60 puntos), con tres exercicios eliminatorios:

   • Proba teórica tipo test.

   • Supostos prácticos relacionados co temario específico.

   • Proba de galego (excepto para quen teña o Celga 4 ou equivalente).

As persoas aprobadas conformarán ademais unha bolsa de emprego, con vixencia de tres anos, para posibles contratacións temporais.

Presentación de solicitudes

O prazo de presentación será de 20 días hábiles a partir do día seguinte da publicación da convocatoria no BOE.
As solicitudes deberán presentarse preferentemente por vía electrónica a través da sede electrónica do Concello de Betanzos (https://sede.betanzos.gal).

A taxa de dereitos de exame ascende a 17,27 euros.

Máis información: BOP da Coruña nº 155, 18/08/2025