O Concello de Cervo vén de anunciar a convocatoria dunha bolsa de traballo para o posto de mestre/a en Educación Infantil (grupo A, subgrupo A2), destinada á Escola Infantil Municipal.

A selección realizarase mediante o sistema de concurso-oposición e permitirá crear unha lista de contratación laboral temporal para cubrir necesidades do centro educativo.

As bases da convocatoria e toda a información detallada poden consultarse:

• No Rexistro Xeral do Concello de Cervo.

• No taboleiro de anuncios da sede electrónica municipal: cervo.sedelectronica.es.

📅 Prazo de solicitudes: 5 días hábiles a partir do día seguinte da publicación do anuncio no Boletín Oficial da Provincia. BOPO LUGO

Esta é unha oportunidade para persoas tituladas en educación infantil que desexen desenvolver a súa carreira profesional no ámbito da docencia pública municipal.