O Concello de Bergondo abre a convocatoria de axudas económicas municipais dirixidas a apoiar ás familias máis vulnerables no pagamento dos gastos de consumo enerxético e da vivenda habitual durante o ano 2025.

Segundo recolle o BOP da Coruña nº 181 do 23 de setembro de 2025 (anuncio 2025/6139) e a BDNS (Identif.): 857451, poderán solicitar estas axudas as persoas maiores de idade que cumpran os seguintes requisitos principais:

• Ter nacionalidade española ou residencia legal en España.

• Ser titulares dun contrato de alugueiro ou dun préstamo hipotecario dunha vivenda situada no Concello de Bergondo.

• Que a vivenda constitúa a residencia habitual da unidade de convivencia (empadroamento mínimo de 6 meses).

• Estar en situación de vulnerabilidade económica, segundo os límites de ingresos establecidos en función do IPREM e da composición familiar.

Finalidade da convocatoria: paliar o impacto económico e social da crise apoiando ás familias con maiores dificultades.

Importes das axudas:

• Ata 300 € mensuais para o pagamento da vivenda habitual (máximo de tres mensualidades no ano 2025).

• Ata 400 € para gastos de consumo enerxético, aplicables a un máximo de catro facturas do ano 2025.

• Ambas axudas son compatibles.

📅 Prazo de solicitudes: desde o día seguinte á publicación do extracto no BOP da Coruña e ata o 31 de outubro de 2025.

🔗 Texto completo da convocatoria dispoñible na Base de Datos Nacional de Subvencións: Consulta aquí