O Concello de Boimorto publica a convocatoria da prestación social para o apoio á natalidade, segundo o previsto nos artigos 17.3.b) e 20.8.a) da Lei 38/2003, de 17 de novembro, Xeral de Subvencións. O texto completo pode consultarse na Base de Datos Nacional de Subvencións: BDNS 859090.

Beneficiarios/as
Poderán ser beneficiarios/as os pais e nais empadroados en Boimorto que teñan ou adopten un fillo/a entre o 2 de decembro de 2024 e o 1 de decembro de 2025, sempre que cumpran os requisitos establecidos nas bases.

Obxecto da convocatoria
O obxectivo é establecer medidas complementarias de apoio ás unidades familiares do municipio e deseñar mecanismos que contribúan a fixar poboación, evitando a despoboación.

Bases reguladoras
As bases figuran na ordenanza municipal específica publicada no BOP nº 183 do 26/09/2019, e poden consultarse tamén no taboleiro de anuncios do Concello e na web municipal:
Ver bases no BOP

Contía das axudas

• Ata 400 € por cada fillo/a nacido ou adoptado.

• Ata 500 € no caso de segundo fillo/a.

• Ata 700 € no caso de fillos/as con discapacidade recoñecida ≥ 33% ou partos múltiples.

O importe total destinado a esta convocatoria é de 4.000 €, con cargo á aplicación orzamentaria 231.48000.

Prazo de presentación
As solicitudes deberán presentarse desde o día seguinte ao nacemento ou adopción ata o 1 de decembro de 2025.