A Deputación da Coruña convoca subvencións para financiar a adquisición de vehículos de uso deportivo por clubs deportivos da provincia que participaron en competición federada durante o ano 2025.

Requisitos

• Clubs deportivos sen fins de lucro, legalmente constituídos e con domicilio fiscal na provincia da Coruña.

• Participación en competición federada durante o ano 2025.

• Inscrición no Rexistro de Entidades Deportivas da Xunta de Galicia.

• Mínimo 25 socios/as de pleno dereito.

• Só se poderá solicitar un vehículo por entidade.

Modalidades e contías

• Vehículos novos: subvención de 25.000 € (gasto mínimo 31.250 €).

• Vehículos usados: subvención de 15.000 € (gasto mínimo 18.750 €).

• Coeficiente de financiamento: 80%.

• Requisitos para vehículos usados: antigüidade máxima 3 anos, máximo 80.000 km, pasadas inspeccións técnicas, garantía mínima de 2 anos.

Prazo
O prazo de presentación de solicitudes determinarase na convocatoria publicada no Boletín Oficial da Provincia (BOP). As adquisicións subvencionables deberán realizarse entre o 1 de xaneiro e o 31 de decembro de 2026. Excepcionalmente, poderanse admitir xustificantes expedidos antes do 16 de xaneiro de 2027.

Solicitudes
As solicitudes presentaranse a través da plataforma SUBTEL da Deputación, seguindo o procedemento indicado na Ordenanza xeral de subvencións e transferencias.

Compromisos e obrigas

• Rotulación do vehículo con logotipo da Deputación e texto “vehículo subvencionado pola Deputación da Coruña”.

• Difusión do apoio da Deputación nas webs ou redes sociais.

• Mantemento do vehículo para uso deportivo durante toda a súa vida útil (mínimo 5 anos).

• Cumprimento da normativa sobre igualdade de xénero e uso da lingua galega.

Máis información
Consulta o texto completo das bases no BOP ou na web da Deputación da Coruña