A Deputación Provincial da Coruña ven de aprobar as bases reguladoras da nova convocatoria de subvencións dirixida ás entidades sen ánimo de lucro da provincia da Coruña para a realización de investimentos de promoción económica no ano 2026 (Programa DP0042B/2026). 

Este programa destina en total 200.000 €, distribuídos en dous eixos:

• Eixo 1: para asociacións veciñais — 100.000 €

• Eixo 2: para asociacións de mulleres — 100.000 € 

As entidades beneficiarias deberán acadar un orzamento mínimo de 1.250 € e máximo de 35.000 €, e a subvención outorgarase cunha contía que poderá situarse entre 1.000 € e 28.000 €, segundo establecen as bases. 

O obxectivo da convocatoria é apoiar investimentos que dinamicen a participación cidadá, estimulen a cohesión social, impulsen a integración, contribúan á loita contra o despoboamento rural e melloren a calidade de vida das persoas no ámbito provincial. 

Poderán participar as asociacións veciñais e as asociacións de mulleres sen ánimo de lucro con domicilio fiscal ou cun ámbito de actuación na provincia da Coruña. 

O prazo para a realización dos gastos subsidenciables abrangue dende o 1 de xaneiro de 2026 ata o 31 de decembro de 2026. Con carácter excepcional, poderán xustificarse gastos ata o 16 de abril de 2027, se se concede prórroga.

As bases reguladoras completas atópanse publicadas no Boletín Oficial da Provincia da Coruña o martes 11 de novembro de 2025. bop.dacoruna.gal

Para máis información ou para presentar solicitude, as entidades interesadas poden consultar os modelos e os anexos a través da sede electrónica da Deputación Provincial da Coruña.