A Deputación da Coruña, a través do Servizo de Desenvolvemento Territorial e Transición Ecolóxica, pon en marcha tres programas de subvencións para persoas autónomas e pequenas e medianas empresas da provincia durante o ano 2026:

• PEL-Autónomos/as/2026 – Apoio ao emprendemento mediante o financiamento das cotas de Seguridade Social e/ou aluguer de oficinas, baixos comerciais ou centros de traballo.

• PEL-PEMES/Creación e Ampliación/2026 – Subvención para a contratación de persoal indefinido ou ampliación do cadro de persoal (ata o 70% dos custos laborais, con máximos de 11.000 € para colectivos vulnerables e 10.000 € para o resto).

• PEL-PEMES/Mantemento/2026 – Apoio para manter postos de traballo creados en 2025, cubrindo ata o 50% dos custos laborais e de Seguridade Social.

Requisitos xerais:

• Ser persoa autónoma ou empresa beneficiaria de convocatorias previas do Plan de Emprego Local (PEL).

• Manter os requisitos legais e laborais vixentes, incluída a normativa de igualdade e Seguridade Social.

Prazo e solicitudes:

• Unha única solicitude por persoa ou entidade e programa.

• Bases e modelos dispoñibles na Ordenanza de Subvencións da Deputación e na Base de Datos Nacional de Subvencións.

• Prazos concretos publicarase no BOP e na web do Plan de Emprego Local.

Obxectivo:
Fomentar o emprendemento, apoiar a creación e consolidación de emprego de calidade, priorizar colectivos vulnerables e reforzar o desenvolvemento económico local.

Máis información:
Plan de Emprego Local – Deputación da Coruña