O Concello de Santiso abre a convocatoria de axudas ao estudo para o curso 2024/2025
O Concello de Santiso vén de aprobar, mediante Resolución de Alcaldía nº 2025-0357 do 25 de setembro de 2025, a convocatoria pública de axudas ao estudo para o curso académico 2024/2025, en réxime de concorrencia competitiva.
As bases que rexen o procedemento establecen que o importe estimado de cada axuda será de 245 euros, estando a súa concesión condicionada á dispoñibilidade orzamentaria.
Persoas beneficiarias
Poderán solicitar estas axudas os representantes legais do alumnado:
-
De 5º e 6º de Primaria e 1º e 2º da ESO, matriculado en centros sostidos con fondos públicos durante o curso 2024/2025 e empadroado no Concello de Santiso durante dito período.
-
De 5º e 6º de Primaria do CEIP de Arcediago, con independencia do empadroamento.
En todos os casos, o alumnado deberá ter acadado unha nota media igual ou superior a 7 no curso académico 2024/2025.
Así mesmo, as persoas solicitantes deberán presentar declaración responsable de estar ao corrente das súas obrigas tributarias e coa Seguridade Social.
Comments