O Concello de Carballo publicou no Boletín Oficial da Provincia da Coruña as bases e convocatorias para cubrir en propiedade mediante persoal laboral fixo a tempo parcial, en réxime de quenda libre, un total de cinco prazas de Profesor/a no Conservatorio Profesional de Música (CMUS) para o ano 2025, incluídas na Oferta de Emprego Público (OEP) do municipio.

As especialidades convocadas son:

• Trompa (Grupo II ≡ A2) – 1 praza

• Lingua e Linguaxe Musical (Grupo II ≡ A2) – 1 praza

• Acordeón (Grupo II ≡ A2) – 1 praza

• Violonchelo (Grupo II ≡ A2) – 1 praza

• Viola (Grupo II ≡ A2) – 1 praza

Sistema selectivo e requisitos
O proceso realizaráse mediante concurso-oposición. Os/as aspirantes deberán cumprir os seguintes requisitos:

• Nacionalidade española ou doutro Estado que permita o acceso ao emprego público.

• Ter polo menos 16 anos e non superar a idade de xubilación forzosa.

• Posuír as capacidades físicas e psíquicas necesarias.

• Non estar inhabilitado/a nin separado/a mediante expediente disciplinario de ningunha Administración Pública.

• Titulación superior en música ou equivalente na especialidade correspondente.

• Certificación de nivel CELGA 4 ou equivalente en galego, ou estar en condicións de obtelo ao peche do prazo de solicitudes.

Prazo e presentación de solicitudes
O prazo de presentación de solicitudes será de 20 días hábiles a partir do día seguinte á publicación do anuncio da convocatoria no Boletín Oficial do Estado. As solicitudes presentaranse preferentemente de forma electrónica a través da sede electrónica do Concello (www.sede.carballo.gal) ou polos medios previstos na Lei 39/2015, do Procedemento Administrativo Común das Administracións Públicas.

Xunto coa solicitude deberá achegarse:

• DNI ou documento equivalente.

• Título acreditativo da titulación requirida.

• Relación de méritos con documentación que os acredite.

• Declaración responsable de cumprimento dos requisitos.

• Xustificante do pago da taxa de exame de 24 € (bonificación do 100 % para quen cumpra os requisitos previstos).

• Documentación para solicitar exencións en competencias dixitais ou lingua galega, se procede.

Máis información  

Concello de Carballo www.sede.carballo.gal