O Concello de Meaño vén de anunciar a apertura do proceso selectivo incluído no programa “+ Emprega nos Concellos 2025”, destinado a financiar contratos formativos dirixidos á adquisición de práctica profesional.

Ao abeiro da Resolución da Alcaldía do 02/12/2025 (núm. 2025-0848), aprobáronse as bases reguladoras para a contratación temporal, mediante concurso, de:

• 1 persoa titulada en Grao habilitante para o exercicio da profesión de Arquitecto/a Técnico/a.

• 1 persoa titulada en Maxisterio en Educación Infantil.

O prazo de presentación de solicitudes é de 10 días naturais, contados a partir do día seguinte á publicación do anuncio no Boletín Oficial da Provincia de Pontevedra (BOPPO).

As bases completas poden consultarse:

• No taboleiro de anuncios do Concello de Meaño.

• Na páxina web oficial do Concello: https://meano.gal/anuncios/