O Concello da Baña vén de publicar as bases do I Concurso de Decoración de Nadal das Aldeas, unha iniciativa destinada a fomentar o espírito navideño, impulsar a creatividade veciñal e poñer en valor as aldeas do municipio mediante a ornamentación dos seus espazos exteriores, públicos ou privados, sempre que sexan visibles desde a vía pública.

A convocatoria, aprobada ao abeiro das competencias municipais en materia de cultura, promoción económica e dinamización do tempo libre, xa está dispoñible para toda a veciñanza interesada.

Quen pode participar

Poderán participar todas as aldeas do termo municipal da Baña, entendidas como agrupacións veciñais sen personalidade xurídica. A representación deberá recaer nunha persoa maior de idade ou, no caso de menores, coa autorización correspondente.

Como participar

Cada aldea deberá:

• Elaborar unha decoración de Nadal nun espazo público da súa elección.

• Enviar un vídeo de aproximadamente 2 minutos mostrando toda a decoración.

• Remitir o vídeo por WhatsApp ao 620 980 631 antes do 19 de decembro de 2025.

• Presentar o Anexo I no Concello ou por correo electrónico a correo@concellodabana.gal.

A decoración deberá permanecer instalada entre o 19 de decembro de 2025 e o 8 de xaneiro de 2026 e incluir de forma visible o texto “Nadal na Baña”.

Sistema de votación

A elección das aldeas gañadoras realizarase mediante votación pública nas redes sociais oficiais do Concello. Gañará o vídeo que obteña máis interaccións ata o 19 de decembro ás 15:00 h. O Concello poderá descualificar participacións fraudulentas para garantir a transparencia do proceso.

Premios

As tres aldeas máis votadas recibirán:

• 1º premio: lote de produtos de decoración valorado en 300 €

• 2º premio: lote valorado en 200 €

• 3º premio: lote valorado en 100 €

A entrega de premios terá lugar o 5 de xaneiro de 2026, durante a tradicional Cabalgata de Reis.

Dereitos de imaxe e uso dos vídeos

A participación implica a cesión ao Concello dos dereitos de reprodución, comunicación pública e difusión dos vídeos, así como o compromiso de cumprir coa normativa vixente en materia de protección de datos.

BOP CORUÑA