Axudas económicas dirixidas ás entidades locais para o financiamento de actividades de animación á lectura nas bibliotecas ou axencias de lectura municipais integradas na Rede de bibliotecas públicas de Galicia.

Requisitos:

• Beneficiarias: Entidades locais de Galicia titulares de bibliotecas públicas ou axencias de lectura integradas na Rede de Bibliotecas de Galicia e que estean ao día nas súas obrigas tributarias.

• Condicións dos centros:

  • Estar integrados na Rede antes do remate do prazo de solicitude.

  • Horario de apertura mínimo de 15 horas semanais.

  • Ter cuberta a estatística de bibliotecas do ano 2024 (agás as de nova creación/reactivación en 2025-26).

  • Ter informatizada a xestión.

• Actividades: Deben programarse un mínimo de dúas actividades do catálogo Ler conta moito 2026.

• Execución: As actividades deben realizarse entre a publicación do catálogo e o 31 de outubro de 2026.

Prazos:

• O prazo de presentación de solicitudes estará aberto dende o 12 de xaneiro ata o 11 de febreiro de 2026 (ambos incluídos).

Solicitudes:

• As solicitudes presentaranse obrigatoriamente por medios electrónicos a través do formulario normalizado (anexo I) dispoñible na Sede Electrónica da Xunta de Galicia.

• Código do procedemento: CT236A.

Máis información:

• Web da Rede: Rede de Bibliotecas de Galicia

• Tramitación: Sede Electrónica da Xunta de Galicia

• DOG: Diario Oficial de Galicia (Orde do 11 de decembro de 2025).