A Consellería de Cultura convoca 33 bolsas remuneradas con 1.010 € mensuais para a formación práctica en diversas bibliotecas públicas de Galicia durante o período 2026-2027.

Requisitos:

• Titulación: Estar en posesión (ou acreditar o pago das taxas) dalgunha das seguintes titulacións, finalizadas no curso académico 2014/15 ou posterior:

  • Grao en Biblioteconomía e Documentación, Información e Documentación ou Xestión de Información e Documentación Dixital.

  • Grao en Lingua e Literatura (Galega, Española, Estranxeira ou Comparada).

  • Grao en Historia ou Historia da Arte.

  • Grao en Humanidades, Xestión Cultural ou Ciencias da Cultura.

  • Máster oficial en materia de bibliotecas (independente do grao de acceso).

• Experiencia previa: Non ter traballado como técnico bibliotecario máis de 6 meses nin ter gozado destas mesmas bolsas por un período superior a 6 meses.

• Outros: Non ter emprego remunerado nin outra bolsa activa (incompatible), e estar ao día nas obrigas tributarias e coa Seguridade Social.

Prazos:

• O prazo de presentación é de un mes contado desde o día seguinte ao da publicación da orde no Diario Oficial de Galicia (DOG).

Solicitudes:

• A presentación será obrigatoriamente electrónica a través da Sede Electrónica da Xunta de Galicia.

• Deberase empregar o formulario normalizado dispoñible no procedemento CT233A.

• É necesario indicar a orde de preferencia dos centros de destino (Biblioteca de Galicia, B.P. Santiago, Coruña, Lugo, Ourense, Pontevedra, Vigo ou Ferrol).

Máis información:

• Publicación oficial: [Consultar o DOG aquí]

• Procedemento na Sede: [Ir ao procedemento CT233A]

• Web da Rede de Bibliotecas: https://rbgalicia.xunta.gal