O Tribunal Superior de Xustiza de Galicia convoca prazas titulares e substitutas en Cortegada, Toén e Castrelo de Miño

Ourense. O Tribunal Superior de Xustiza de Galicia (TSXG) vén de anunciar varias convocatorias públicas para cubrir prazas de xuíz ou xuíza de paz, tanto titulares como substitutas, en distintos concellos da provincia de Ourense.

Prazas convocadas

• Cortegada

  • Xuíz/xuíza de paz titular

  • Xuíz/xuíza de paz substituto/a

• Toén

  • Xuíz/xuíza de paz titular

  • Xuíz/xuíza de paz substituto/a

• Castrelo de Miño

  • Xuíz/xuíza de paz titular

Prazo de presentación

• 15 días hábiles, contados desde a publicación do edicto correspondente no Boletín Oficial da Provincia.

Documentación requirida

As persoas aspirantes deberán presentar:

• Certificado de nacemento ou fotocopia do DNI.

• Certificación do Rexistro Central de Penados e Rebeldes (ou autorización para a súa consulta).

• Declaración responsable de non estar inculpado nin procesado.

• Xustificación dos méritos alegados.

• Indicación da profesión actual.

Presentación das solicitudes

As solicitudes e a documentación poderán presentarse:

• Por correo electrónico: secretariagoberno.tsxg@xustiza.gal

• Por calquera das vías previstas no artigo 16.4 da Lei 39/2015 do procedemento administrativo común.

Información adicional

Estas convocatorias forman parte do procedemento ordinario de cobertura das prazas de xuíces e xuízas de paz, figuras clave para o funcionamento da xustiza nos concellos.