O Concello dos Nogais publicou a convocatoria e as bases para a selección, con carácter temporal, de catro peóns/as de obra pública dentro do programa Reforzo do Emprego 2026.

O proceso selectivo ten como obxectivo reforzar os servizos municipais e favorecer a creación de emprego no municipio mediante a contratación temporal de persoal para a realización de traballos de obra pública.

As persoas interesadas poderán consultar as bases completas da convocatoria no anuncio publicado no Boletín Oficial da Provincia de Lugo (BOP Lugo), correspondente á páxina 25 e referencia 1286.

Entre outros aspectos, as bases recollen:

• Número de postos ofertados: 4.
• Categoría profesional: peón/oa de obra pública.
• Tipo de contratación: temporal.
• Sistema de selección e requisitos de participación.
• Prazo e forma de presentación de solicitudes.

A convocatoria enmárcase nas iniciativas locais de apoio ao emprego e mellora dos servizos públicos municipais durante o ano 2026.