O Concello de Meis abre o proceso de selección para cubrir, mediante o sistema de concurso, unha praza de Asesor/a Xurídico/a con carácter temporal, motivada pola próxima vacante do posto por excedencia voluntaria. Así mesmo, o proceso servirá para a creación dunha bolsa de emprego para futuras contratacións.

A continuación, detallamos os aspectos clave da convocatoria:

• Posto: Asesor/a Xurídico/a do Concello de Meis.

• Modalidade de selección: Concurso.

• Carácter: Temporal (cobertura de vacante por excedencia voluntaria a partir do 30 de xuño de 2026) e formación de bolsa de emprego.

• Prazo de inscrición: O prazo será de 5 días hábiles, contados a partir do día seguinte ao da publicación do anuncio no Boletín Oficial da Provincia (BOP) de Pontevedra.

• Acceso ás bases: O texto íntegro coas bases reguladoras e os requisitos de participación pódese consultar no Taboleiro de Anuncios da Sede Electrónica do Concello de Meis: https://meis.sedelectronica.gal.

Nota para as persoas interesadas: Os seguintes anuncios e resolucións derivados deste proceso selectivo publicaranse directamente nas canles oficiais recollidas nas propias bases.