Mondoñedo busca dous socorristas para as piscinas municipais durante a tempada de verán. As contratacións realizaranse en réxime laboral temporal a xornada completa co obxectivo de garantir a seguridade das instalacións.

• Entidade convocante: Concello de Mondoñedo (Lugo).

• Postos ofertados: 2 socorristas acuáticos.

• Réxime de contratación: Persoal laboral temporal a xornada completa (de luns a domingo, cos descansos legais).

• Duración do contrato: 2 meses, desde o 1 de xullo ata o 31 de agosto de 2026.

• Retribución: 1.750,00 € brutos mensuais (inclúe a parte proporcional das pagas extraordinarias).

• Sistema de selección: Concurso-oposición (valoración de méritos e proba física específica).

• Requisitos principais:

  • Ter cumpridos os 16 anos.

  • Estar desempregado/a e inscrito/a no Servizo Público de Emprego de Galicia como demandante non ocupado/a.

  • Estar inscrito/a no Rexistro Profesional de Socorristas Acuáticos de Galicia (sección de Instalacións Acuáticas).

  • Acreditar o coñecemento do idioma galego (Celga 2 ou equivalente, ou superar a proba correspondente).

  • Carecer de antecedentes no Rexistro Central de Delincuentes Sexuais.

• Prazo de presentación: 5 días hábiles, contados a partir do seguinte ao da publicación do anuncio no Boletín Oficial da Provincia de Lugo (BOP Núm. 139, do 19 de xuño de 2026).

• Lugar de presentación: Rexistro Xeral do Concello de Mondoñedo ou a través da súa sede electrónica (https://mondonedo.sedelectronica.gal).