A Eurocidade Cerveira-Tomiño convoca unha nova edición do XIV Certame de Pintura ao Aire Libre Antonio Fernández, unha iniciativa que promove a creación artística e que se celebrará o 16 de agosto de 2026 entre Goián (Tomiño) e Vila Nova de Cerveira (Portugal).

O certame está aberto á participación de persoas adultas, así como de nenos, nenas e mozos e mozas nas correspondentes categorías infantil e xuvenil.

Persoas destinatarias

• Categoría adulta: persoas maiores de idade.
• Categoría infantil: ata 11 anos.
• Categoría xuvenil: de 12 a 17 anos.
• Os menores deberán participar acompañados por unha persoa adulta responsable.

Premios

A convocatoria conta cunha dotación total de 2.500 euros, distribuída do seguinte xeito:

Categoría adulta

• 1º premio: 1.200 €
• 2º premio: 500 €
• 3º premio: 500 €
• Tres accésits de 100 € cada un.

Categoría infantil

• Diploma e material de debuxo e pintura por valor de 50 € para a persoa gañadora.
• Diploma e agasallo para o resto das persoas participantes.

Categoría xuvenil

• Diploma e material de debuxo e pintura por valor de 100 € para a persoa gañadora.
• Diploma e agasallo para o resto das persoas participantes.

Características das obras

As obras deberán realizarse:

• Ao aire libre e do natural.
• Sen empregar fotografías como referencia.
• Empregando técnica e procedemento libres.
• Inspiradas en calquera paisaxe do percorrido establecido entre Goián e Vila Nova de Cerveira.

Cada participante poderá presentar unha única obra.

Inscrición

A inscrición é gratuíta e realizarase exclusivamente en liña a través da páxina web da Eurocidade.

Prazo de inscrición: ata as 14.00 horas do 13 de agosto de 2026, por rigorosa orde de inscrición.

Celebración

• Data: 16 de agosto de 2026.
• Lugar: Goián (Tomiño) e Vila Nova de Cerveira (Portugal).

https://eurocidadecerveiratomino.eu/actividades/