O Concello de Mugardos convoca un proceso selectivo, polo sistema de oposición libre, para a creación dunha bolsa de emprego de auxiliar administrativo/a, destinada á cobertura temporal de postos mediante o nomeamento de persoal funcionario interino.

Praza

• Posto: Auxiliar administrativo/a
• Grupo: C2
• Escala: Administración Xeral
• Subescala: Auxiliar
• Xornada: Completa
• Nivel de complemento de destino: 18
• Complemento específico: 663,35 euros mensuais, segundo a nómina de xullo de 2026.
• Código RPT: 9005/1005.

Proceso selectivo

A selección realizarase mediante oposición libre.

A primeira proba, obrigatoria e eliminatoria, consistirá nun cuestionario tipo test de 50 preguntas, con tres respostas alternativas, máis 10 preguntas de reserva:

• 35 preguntas de carácter teórico.
• 15 preguntas sobre resolución de casos prácticos.
• Tempo máximo: 90 minutos.
• As respostas incorrectas descontarán 0,05 puntos.
• As respostas en branco non penalizarán.
• Será necesario obter polo menos 50 puntos sobre 100 para superar a proba.

As persoas que non acrediten o Celga 2 ou equivalente deberán realizar unha proba de coñecemento da lingua galega, de carácter eliminatorio, que se cualificará como apto/a ou non apto/a.

Requisitos

Entre os requisitos establecidos figuran:

• Ter 16 anos cumpridos e non superar, de ser o caso, a idade máxima de xubilación forzosa.
• Posuír a nacionalidade española ou cumprir os requisitos previstos para nacionais doutros Estados.
• Ter a capacidade física e psíquica necesaria para o desempeño das funcións.
• Estar en posesión do título de graduado en Educación Secundaria Obrigatoria ou equivalente, ou dunha titulación superior que habilite para o acceso.
• Non estar inhabilitado/a para o exercicio de funcións públicas nin ter sido despedido/a mediante expediente disciplinario nos supostos establecidos nas bases.
• Posuír a certificación galega de competencias dixitais en ofimática, nivel básico ou superior.
• Acreditar o Celga 2 ou equivalente, ou superar a correspondente proba de galego.
• Abonar os dereitos de exame establecidos na convocatoria.

Finalidade da bolsa

A bolsa permitirá cubrir temporalmente postos de auxiliar administrativo/a cando concorran as circunstancias previstas na normativa de emprego público, entre outras, a existencia de prazas vacantes, a substitución transitoria de titulares, a execución de programas temporais ou o exceso ou acumulación de tarefas.

Organiza: Concello de Mugardos
Publicación: Boletín Oficial da Provincia da Coruña, núm. 154, do 14 de agosto de 2026.
Número de anuncio: 2026/5345.

https://bop.dacoruna.gal/bopportal/publicado/2026/08/14/2026_0000005345…