A Consellería de Cultura, Lingua e Xuventude publicou a segunda convocatoria de 2026 para a obtención dos certificados acreditativos dos niveis de lingua galega Celga 2, 3 e 4 (procedemento PL500C).

Os puntos clave da convocatoria son os seguintes:

• Persoas destinatarias: Maiores de 16 anos (ou que os cumpran no ano natural).

• Localidades e datas dos exames:

  • Celga 4: 14 e 15 de novembro (Santiago de Compostela, Ponferrada e Madrid).

  • Celga 3: 21 de novembro (Santiago de Compostela, Ponferrada e Madrid).

  • Celga 2: 22 de novembro (Santiago de Compostela, Ponferrada e Madrid).

• Taxa de exame: 16,92 euros por nivel (as persoas con discapacidade igual ou superior ao 33 % están exentas).

• Presentación de solicitudes: Preferiblemente por vía electrónica a través da sede electrónica da Xunta de Galicia ([https://sede.xunta.gal](https://sede.xunta.gal)) usando o formulario PL500C, ou ben de xeito presencial nos rexistros oficiais.

• Prazo de inscrición e pago: 15 días hábiles, contados a partir do día seguinte ao da publicación da resolución no Diario Oficial de Galicia (DOG).

• https://www.xunta.gal/dog/Publicados/2026/20260916/AnuncioG0766-090926-…