A Axencia Galega para a Xestión do Coñecemento en Saúde (ACIS) convoca un proceso selectivo para a contratación de unha persoa data manager en saúde para a execución e xestión do proxecto europeo EQUIO, no marco do Programa de cooperación Interreg VI-A España-Portugal POCTEP 2021-2027.

Características da praza:

• Praza: 1
• Categoría: persoal laboral temporal, grupo I, categoría 4
• Posto: data manager en saúde
• Centro de traballo: Área de Desenvolvemento e Innovación Sanitaria da ACIS, en Santiago de Compostela
• Duración estimada: desde a formalización do contrato ata o 31 de decembro de 2028, condicionada á existencia de financiamento adecuado e suficiente
• Proxecto: EQUIO, «Equidade oncolóxica transfronteiriza cara á creación dunha comprehensive cancer care network (CCCN)»
• Coordinación: Servizo Galego de Saúde
• Idiomas de traballo: segundo as funcións e necesidades do proxecto

Requisitos principais:

• Titulación universitaria de grao ou equivalente no ámbito das ciencias: Bioloxía, Farmacia, Biomedicina ou Biotecnoloxía.
• Acreditar un nivel B1 de inglés ou equivalente.
• Acreditar o coñecemento do galego mediante Celga 4, título de perfeccionamento ou estudos equivalentes.
• Ter cumpridos 16 anos e non superar a idade de xubilación forzosa.
• Cumprir os demais requisitos establecidos nas bases da convocatoria.

Funcións:

• Apoio, deseño, organización e mantemento das bases de datos necesarias para o seguimento do proxecto.
• Coordinación da integración e normalización da información procedente dos hospitais, servizos asistenciais e entidades socias de Galicia e do norte de Portugal.
• Garantía da integridade, rastrexabilidade, consistencia e actualización dos datos.
• Definición e actualización dos indicadores de seguimento e elaboración de informes periódicos.
• Validación e depuración da información e detección de incidencias relacionadas coa calidade dos datos.
• Garantía do cumprimento do Regulamento xeral de protección de datos e aplicación de técnicas de anonimización ou pseudoanonimización cando sexa necesario.
• Elaboración de informes técnicos e apoio ás auditorías e procesos de avaliación.
• Apoio á investigación e á análise dos resultados clínicos e organizativos.
• Coordinación cos responsables da xestión de datos das entidades socias.

Proceso selectivo:

• Valoración de méritos: ata 26 puntos.
• Entrevista persoal: ata 2,6 puntos.
• Á entrevista accederán as 10 persoas candidatas con maior puntuación na fase de méritos.
• A entrevista terá unha duración máxima de 15 minutos e poderá realizarse de forma telemática.
• Parte da entrevista poderá desenvolverse en inglés.

Presentación de solicitudes:

• As persoas interesadas deberán presentar a instancia segundo o modelo establecido no anexo II, xunto coa documentación acreditativa indicada nas bases.
• Poderá presentarse no Rexistro da ACIS, na avenida Fernando de Casas Novoa, 37-1º, portal A, Santiago de Compostela, ou nos lugares previstos no artigo 16 da Lei 39/2015.
• Tamén poderá presentarse electronicamente a través da sede electrónica da Xunta de Galicia mediante o procedemento PR004A, nos supostos previstos na convocatoria.
• Prazo: 15 días hábiles contados desde o día seguinte ao da publicación oficial.

As bases completas, o modelo de solicitude e o resto da información do proceso estarán dispoñibles na páxina web da Axencia Galega para a Xestión do Coñecemento en Saúde.

https://www.xunta.gal/dog/Publicados/2026/20260925/AnuncioG0460-170926-…