O 19 de outubro comeza unha nova edición do curso en liña, gratuíto e aberto «Defensa legal dos dereitos das persoas con discapacidade», promovido polo Real Patronato sobre Discapacidad, Fundación ONCE, CERMI Estatal e a UNED a través do Canal Fundación ONCE na UNED.

Características do curso:

• Inicio: 19 de outubro de 2026
• Duración: 8 semanas
• Modalidade: en liña
• Custo: gratuíto
• Requisitos: non se require coñecemento previo
• Certificado: a UNED ofrece a posibilidade de obter un certificado en función dos méritos acadados, cun custo de 20 euros pola súa xestión e emisión.

Contidos:

• Que é unha discriminación?
• Normas para defender os dereitos das persoas con discapacidade.
• Como denunciar legalmente unha situación de discriminación.
• Instrumentos para a defensa activa dos dereitos, incluídas as redes sociais.
• Os delitos de odio.
• As mulleres e as nenas con discapacidade.
• Significado e implicacións dunha educación inclusiva.

O curso está dirixido a calquera persoa interesada en coñecer, de forma práctica e sen necesidade de coñecementos xurídicos, os instrumentos existentes para reivindicar e defender os dereitos das persoas con discapacidade.

Entre o público destinatario atópanse persoas con discapacidade e as súas familias, persoas maiores e familiares, profesionais e entidades do movemento asociativo, persoal do sector público ou privado, persoas vinculadas á defensa dos dereitos humanos e á igualdade, estudantes, voluntariado, persoal funcionario, profesorado e público en xeral.

Máis información e inscrición:
Curso «Defensa legal dos dereitos das persoas con discapacidade» na UNED